Vesa Luma dhe Big Basta janë rikthyer në Shqipëri ku dhe po shijojnë disa ditë pushimesh. Por duket se festa nuk ka munguar këto ditë, pasi i vogli i shtëpisë feston 3-vjetorin.
Ka qenë vetë këngëtarja, e cila nëpërmjet një statusi të ndjerë në Instagram ka uruar vogëlushin, që duhet thënë që i ngjan shumë. “Engjëlli im mbushi 3 vjeç sot. Urime ditëlindjen Liani im, jeta ime❤️ Faleminderit Zot për këtë mrekulli që me ke falur❤️Jam nëna më e lumtur në botë! Të kesh shëndet fat e lumturinë e kësaj bote gjithmonë!”, shkruan Vesa në një dedikim në Instagram.
Kujtojmë se Vesa është rikthyer më herët në Shqipëri, ndërsa reperi nga Tirana vijonte të punonte në Zelandën e Re, por duket se më në fund ata janë bërë edhe njëherë të gjithë bashkë si një familje e lumtur.
